極尚大瀛喜日本料理

营业中

休息中

住元朗既朋友仔話想去食放題，我就立即介紹上次食過既旺角大瀛喜俾佢，佢話元朗都有間極上大瀛喜，咁我就決定去元朗探下店，睇下質素有無分別。平日既午市放題竟然都滿座，午市時段由12點至3點食足3小時，$218就可以食到過百款美食，性價比非常高。一坐低店員就會俾個QR code 落單，食物種類真係算幾多，刺身、壽司、料理、炸物、燒物等，應有盡有，估吾到連鮑魚、花膠都有，上菜速度好快又無漏單真抵讚。除QR code落單外，出面仲有自助區，雪糕、飲品、沙律、熟食、炸物、餐湯同冷盤等，食物質素也不錯， refill得也夠快。總括而言，兩間分店既食物質素同款式都係相約，而上菜速度都一樣係咁快，難怪連元朗區都咁多人食。