圓山台灣料理 (已結業)

星期日同家人一齊去飲茶，去了間台式料理嘅地方飲茶，因之前同公司嘅同事到過這裡地方唔錯，所以今日約了家人一起飲茶，而最抵嘅係星期日仍然有套餐，就係咁叫了個午市4人商務套餐$428，有自選3款點心或2款涼菜小吃，小菜三款任選，老火湯，自選一款炒粉麵飯，加埋甜品，確實抵食！水晶鮮蝦餃，鳳梨酥，燒肉粽，而老火湯就最快送上瘦肉煲老黃瓜湯，味道清新，唔會太油膩！屏東小炒皇，三杯雞，台式鹽酥雞都一齊上，屏東小炒皇嘅材料真係十分之多，有鮮魷魚、叉燒、炸白飯魚干、九菜、蛽肉，入口超級香口，又有口感，有啲煙韌爽彈，有啲味道濃郁，夾埋一齊食，正！而另一個三杯雞，就真係好夠味，個三杯有香濃嘅酒味，配埋個薑蔥蓉入口，雞肉嫩滑軟熟，夠味！而個人最喜歡就係呢個台式鹽酥雞，外脆內香，入口時重見到佢嘅煙從脆皮內流出，而啲肉汁仍然鎖住係雞肉肉，香口外，又軟熟，夠晒台式口味！而點心亦跟住上水晶鮮蝦餃，皮夠薄包住大大蝦，蝦肉夠哂彈牙爽口，有水準，鳳梨酥，當然係台灣特產，即燒即製，外面香脆軟熟，裡面嘅鳳梨醬仍然軟熟香甜，而隻燒肉粽有三小隻，但用足料，一打開就見到啲肥味嘅燒肉，同埋啲糯米一齊入口感覺真係唔錯，啲肥膩嘅感覺完成被啲