兩點鐘嚟到全店滿座，去撘枱先😆餐牌選擇甚多，睇完一圈決定點客飯套餐。
⭐豉蒜涼瓜炒牛肉
朋友點咗涼瓜炒牛肉，即叫即炒，上枱時熱辣辣香噴噴，涼瓜爽口唔苦，牛肉嫩滑，加上個豉椒醬汁好惹味，送飯一流🤤
⭐千島豬扒
見隔離枱食緊千島豬扒好似好正咁，自己又點一客先。大大碟好抵食，豬扒切條，大約有八條，淡淡肉只有少少骨頭，千島沙律醬甜甜酸酸好好味🤤
⭐白飯
跟餐白飯一大碗，十分飽肚。
⭐咸柑桔 & ⭐天地壹號
餐廳無水吧，只有樽裝同罐裝飲品，雪櫃自取，朋友揀咗咸柑桔，自己就要咗天地壹號，呢款蘋果醋唔係間間餐廳有，哈哈，真係幾好飲㗎。
3
原來餐廳會落場，食到三點左右就收爐了，想食真係要早少少入嚟啦。
