大漁屋台 (已結業)

好耐冇行過得寶商場，大裝修完後果然煥然一新好有懷舊feel，行過一間大魚屋台食肆門口見有好多食客等位，我都唔執輸又等埋一份入去試試。嘩！入到店內好colorful，色彩繽紛嘅佈置好有心思，連廚房都有裝飾吊燈，開放式廚房感覺特別衛生。有兩個凍櫃載滿各種唔同日本品牌嘅飲料。原來有午市定食優惠餐，叫一個定食有七款食物，學生仲可平幾蚊，閒日重免加一,晚市食滿＄200蚊仲有九折優惠。啲碗安格斯牛肉鍋烏冬，入面有好多牛肉，入口甘香；配料有冬菇、茶樹菇同溫泉蛋，烏冬條條煙靱得嚟又好輭淋，豬骨湯底夠鮮甜。與別不同是味噌湯入面都有料，湯味濃郁。最後當然唔少得食甜品，芝麻雪糕好香芝麻味，紅豆雪糕豆味重，香滑唔會太甜。啲間大漁屋台嘅午市定食，呢啲價錢有咁多款食物確係好優惠。