燒肉牛蔵 (已結業)

午市定食餐牌睇落選擇都多，價錢平，但質素好一般。揀左個照燒雞扒炒烏冬定食。雞扒同烏冬分開上，雞扒口感就偏乾，淋面嘅燒汁就甜甜地。而炒烏冬嘅份量就正常，但係唔知係咪烏冬唔新鮮定係放耐咗，食落去有陣酸味。 而隨餐有個麵豉湯，比平時飲開嘅味道偏淡，飲落有少少唔知係薑味定檸檬味。兩者都同麵豉湯陣味唔係好夾。 而且定食都配一罐飲品，飲品嘅選擇都多。