福井壽司和食屋 (已結業)

粉嶺食日本野嘅都有好幾間，但質素都係好一般。喺午餐唔知食乜好嘅時候，都會黎福井，貪佢個舖夠大唔使等位。午市有好多唔同餐揀，好豐富下，由四十幾起，都好合理。鰻魚飯加刺身定食，賣相幾精緻，偽日本菜都幾有水準。鰻魚算厚身，好綿幾肥美，唔錯。刺身新鮮，都算係厚切，合格。埋單有甜品送，芋頭味糯米滋。第日又黎食過，今次揀左海膽魚生飯。定食嘅配菜，中華沙律，茶碗蒸，面豉湯，一般啦，後者夠熱，蛋幾滑但味略淡。海膽已滆滆地唔新鮮，三文魚碎切，好似啲頭頭尾尾湊合而成，味道一般。是日紅豆味糯米滋。