神木日本料理 (已結業)

餐廳：神木日本料理 (觀塘)地址：觀塘巧明街114號迅達工業大廈4樓A室觀塘工業區呢間日式餐廳——神木日本料理🇯🇵，眨吓眼已經開咗兩年有多，仿竹林嘅設計🎋，加上天花掛滿一個又一個日式紙燈籠🏮，配合埋牆上充滿日本色彩嘅圖案畫作：哥斯拉、超人、高達，又真係幾趣緻😝。餐廳仲設有室外座位，可以俾你喺外面享受寧靜舒適又有清新空氣嘅空間餐廳午市主打日式定食，有壽司、丼飯、和食、招牌鐵板，晚市就有各式各樣刺身、串燒🍢、燒肉🔥。平日中午經過樓下有人派傳單同$10現金券，唔少喺附近做嘢嘅打工仔都因為咁而上嚟食晏，有優惠我都緊喺唔執輸啦😎✝️特選壽司定食配烏冬 $98呢個壽司定食都真喺飽肚之選，除咗有赤蝦、鯛魚、三文魚🍣、白身魚、吞拿魚蓉、赤貝同2件放咗炸蝦同cream cheese嘅卷物，另外仲有一碗烏冬同是日小食、加咗柚子皮嘅茶碗蒸、味噌湯，就算大食少少嘅你食完都應該會好夠飽👍✝️輕量版美國極上牛柳(120g) $90喺細細個鐵板放上兩舊牛柳🥩，上枱嗰陣仲喺熱辣辣「滋滋」聲，牛柳接近全熟，切開咬落有少少肉汁淺出💦，雖然有少少韌🤏，但喺肉香都尚算唔錯🤓，仲配上洋蔥🧅、秋葵、茄子同翠玉瓜，覺得唔夠食可以叫大份