一方堂居酒屋

营业中

休息中

今日好想食海膽好想食海膽好想食海膽於是約咗朋友去尖沙咀嘅一方堂食午餐, 午市套餐超抵食<海膽魚籽定食>原本以為海膽魚子定食只有細細碗, 點知道竟然撳足料海膽新鮮甘甜, 配搭醋米飯簡直一絕淨係食海膽會有啲膩, 間住間住食鹹鹹嘅魚子就更加完美啦<壽司定食配熱烏冬>壽司定食都唔錯㗎, 除咗有八件壽司之外, 仲有湯烏冬、沙律同麵豉湯, 做午餐份量啱啱好刺身新鮮厚切, 最後食碗熱烏冬個胃暖笠笠<鱈魚干>時間比較鬆動嘅朋友仲可以嗌下啲小食分享, 熱嘅鱈魚干配搭蛋黃醬, 香口唔油膩<芝士年糕>仲有大人細路都啱食嘅芝士年糕煙靭嘅外皮, 配搭鹹鹹嘅芝士乳酸特飲都好大杯