饗和民 (康怡廣場) (已結業)

康怡廣場呢間由和民變身嘅饗和民, 裝修靚過以前, 不過我地一直都未去試過。今日有同事提議Lunch去食烏冬, 所以我地一行5人一到午飯時間就去搶位。今日康怡廣場同平時一樣咁多人, 不過饗和民呢度唔算好多人等, 大約10分鐘我地就安排到入座。我地5個人坐6人卡位, 好寬敞舒服。午市定食選擇都多, 麵餐仲可以加配壽司或小丼。午市定食已包一杯飲料。我點左牛肉鍋燒烏冬配什錦壽司, 壽司都幾新鮮不過壽司飯比較散同硬左少少。牛肉鍋燒烏冬嘅牛肉普普通通, 不過個湯底好好味, 烏冬又夠彈牙, 同事食辛辣海鮮烏冬都話好味。😋其他同事點嘅餐賣相都好吸引。跟餐點嘅梳打唔甜, 薑味濃。已份量同味道黎講, 價錢合理。