快樂小羊火鍋餐廳 (裝修中)

中午黎到想食個麵，一坐低已經聞到張枱有陣UP 布抹完既臭味，都算。下單後等左超過30分鐘，只係黎左一份羊肉串（的確係幾好味）；詢問服務員咩原因，首先個服務員話廚房今日比較忙，講講下又話無出到張單，到底係點呢？都算。再等多左一陣真係忍唔住拎野走人，落去埋單個收銀話你走啦，個羊肉串送比你啦，廚房做唔切，一句唔好意思嘅說話都無，咁我D time cost又點計？原來午市做火鍋已經忙到一個點，所以麵食等等係做唔切⋯ 咁點解你仲開午市比人落其他單呢？直頭只做火鍋咪算。落單個時又唔講，咁人地幾台麵係咪要等到你收左午市火鍋先做得到出黎？