志 (已結業)

約左鍾意同我一樣食嘢嘅朋友Lunch，就一於食靚啲去尖沙咀亞士厘道嘅<志>食Lunch佢哋嘅Lunch Omakase Set 價錢好抵食最貴都係500多左右我就揀咗一個13件有廚師發板的手握壽司🍣，佢哋會好細心問我哋有啲咩係唔會食，再講解會上咗12件壽司之後，第13件壽司原來係可以重複返之前其中一件頭盤先來一個熱辣辣茶碗蒸，滑嘟嘟嘅蒸蛋，好味接着就到壽司出場了，總共分開咗三轉上菜，每轉都會介紹壽司和食嘅次序，我今次就食了 金線鯛，劍魚，魷魚，勘八 ，赤身吞拿魚，蟹膏，賴尿蝦，伊左目 ，海膽，三文魚子，吞拿拖羅和燒左口魚，件件新鮮而每件壽司飯，師傅已經加了醬油，所以直接放入口就，可以不用添加任何醬油。第13件壽司可以自己揀，左諗右諗 都係揀返燒左口魚始終平時自己最鍾意食。當上完壽司後，原來仲有熱辣辣的麵豉湯和甜品，簡直大滿足。離開嘅時候，竟然原來有小禮物 是青瓜鰻魚卷，好窩心