鮨夢 (已結業)

放假去咗灣仔揾朋友食晏，原來佢和同事book左鮨夢食OMAKASE,好彩可以加多我一個位，餐廳地方唔算大，設有吧枱和卡座，裝修設計好有日本feel。午市套餐有多款選擇，有刺身、壽司、丼飯，套餐均配前菜、沙律、味增湯及茶碗蒸蛋。我揀咗蒲燒鰻魚飯。前菜：白茄子和新鮮沙律菜，酸酸哋可以醒醒胃。茶碗蒸：內有雞肉、蝦、蟹柳、冬菇等，蛋滑溜鮮甜。蒲燒鰻魚飯，飯上鋪滿一層蛋絲，再放上蒲燒鰻魚，再灑上紫菜條。每件鰻魚都好厚身，口感軟腍，魚皮被烤至金黃發出陣陣誘人的濃郁香氣，飯軟硬適中，加了醬汁伴均勺食，惹味非常。麵豉湯鹹鮮。甜品芝麻雪糕，好香嘅黑芝麻味，又滑又甜。