金記冰室 (已結業)

今天去了荃灣楊屋道街市買餸，之後去了金記冰室食晏。星期日都有午市套餐，真好!經濟實惠。 套餐包例湯，中、西各選了一個。西湯是羅宋湯，幾夠味。中湯是老黃瓜湯，味道就偏淡。 餐飲各叫了一杯熱啡和熱奶茶，正宗茶餐廳出品，味道OK。 【肉絲炒麵】份量幾大碟。啲茨汁滲進炒麵之後，原來較硬較脆的粉麵變軟化起來，變成又有硬又有脆的口感。 【枝竹魚柳飯】份量一樣係大份，食完感到非常飽。枝竹好厚，吸收咗啲汁就好好味。至於魚柳就係熱辣辣，外脆內軟，水準不錯。