夫妻沸片-台式麻辣火鍋 (已結業)

美容養顏花膠雞濃湯＄88：夫妻．乾畔麵套餐 有三款，不過我哋愛靚嘅女士最鍾意就係滋補同埋減油，呢個雞同花膠嘅配搭正好既養顏又飽肚。夾上嚟嘅花膠可以見到非常厚身，而且雞肉滑滑啖啖肉。最重要最重要係個濃湯非常好飲，雞味濃郁帶少許杰身。另外，套餐中嘅拌麵帶點微辣，麵條韌度適中，仲有糖心蛋、麻辣鴨血和豆腐，可以一次過試足所有台式特色食品。推薦！夫妻自選同心麵＄76：香濃雞湯、稻庭烏冬、芝士腸➕原隻溏心蛋➕美國牛肉片，樣樣配料都好食，而且份量十足。雞湯一定用心烹調，幾乎想全碗喝清光，正！滷水大腸＄54：大大碟，大腸非常入味，煙韌度適中，配合麵食一流。黃金炸魚皮＄39：炸魚皮脆卜卜，大大片，建議大家魚皮上枱時先吃一兩片，會食到蛋黃香味，有湯麵時可以放湯吃，別有一番風味。餐廳是自助掃描點餐，非常方便。價錢一目了然！