影片
更多
2021-02-03
60 浏览
疫情下禁晚市堂食，令餐飲業大受打擊，好多餐廳都要變招迎擊，今日出旺角辦年貨後，途經呢間火鍋店，午市已經有任食邊爐，價錢唔貴仲要無限時，一於黎滾一滾。火鍋有三種選擇，唔同價錢可以任食羊腩煲及雞煲，午餐唔想食咁多，所以主打普通火鍋。打邊爐梗係要先混醬，醬料架非常齊全，蔥、蒜、辣椒應有盡有，唯一美中不足嘅係無我最喜歡嘅芝麻醬。湯底揀左蕃茄薯仔濃湯鍋，上檯時已經聞到陣陣蕃茄香味，先試一啖湯，有濃濃蕃茄味。火鍋料中以韓式泡菜餃及粉絲餃最為有特色，大大隻吸滿湯汁後，再配上泡菜及粉絲餡，非常好味；豬膶亦好新鮮，入口鮮甜唔苦。另外估唔到都有唔少海鮮可以選擇，帆立貝入口鮮甜，墨魚仔亦爽口彈牙。打邊爐又點可以無野飲，呢度飲品好多選擇，連竹蔗茅根水及海底椰都有，打完邊爐飲返樽清清熱氣就最適合不過啦。打完邊爐食返d雪糕，感覺好滿足。埋單每人唔駛$150，無限時可以慢慢食，都算抵食。
火鍋有三種選擇，唔同價錢可以任食羊腩煲及雞煲，午餐唔想食咁多，所以主打普通火鍋。
打邊爐梗係要先混醬，醬料架非常齊全，蔥、蒜、辣椒應有盡有，唯一美中不足嘅係無我最喜歡嘅芝麻醬。
湯底揀左蕃茄薯仔濃湯鍋，上檯時已經聞到陣陣蕃茄香味，先試一啖湯，有濃濃蕃茄味。
火鍋料中以韓式泡菜餃及粉絲餃最為有特色，大大隻吸滿湯汁後，再配上泡菜及粉絲餡，非常好味；豬膶亦好新鮮，入口鮮甜唔苦。
另外估唔到都有唔少海鮮可以選擇，帆立貝入口鮮甜，墨魚仔亦爽口彈牙。
打邊爐又點可以無野飲，呢度飲品好多選擇，連竹蔗茅根水及海底椰都有，打完邊爐飲返樽清清熱氣就最適合不過啦。
打完邊爐食返d雪糕，感覺好滿足。埋單每人唔駛$150，無限時可以慢慢食，都算抵食。
张贴
