1
魚子醬日本空運蠔杯，一份得一隻，但嚟得好快，如果鍾意可以狂叫🤭 生蠔加魚子醬，亦已經塗上雞尾酒醬，真係幾鮮甜！
鮑魚花膠雖然要搭條菜，但任食真係好正，花膠勁入味！
之前食過幾次都唔覺有，新推出XO醬蒜蓉粉絲蒸蟶子皇勁驚喜！果然係蟶子王真係好大隻，爽彈鮮甜，配埋蒜蓉粉絲不得了，冇諗過放題有得任食呢個質素嘅海鮮
厚切鵝肝壽司超級肥美，入口即溶，雖然係壽司要連埋飯，但都啪咗兩嚿😂🙏🏻
燒比目魚超肥美，燒汁甜甜地溝埋魚油勁正，烤榴槤又係勁甜勁軟滑，可惜食一舊已經好飽，只係食咗一次😭😭
點心個燒賣真係冇得輸，係茶樓質素以上，encore咗兩次😂 反而蝦餃爭少少，但放題咁鬼多元化已經冇咩好投訴🤪 仲有乳鴿、刺身、燉湯、串燒、多款甜品、Häagen-Dazs杯裝雪糕、新鮮水果，性價比真太高
1
