天竜 (已結業)

大概十二點搭二入座，當時入面冇乜人，隔咗五分鐘落單，嗌咗鹽燒三文魚飯同埋咖喱豬排飯。好快上咗小菜同埋味噌湯。跟住就等咗好耐，開始有好多客人入座。有啲客人嗌咗魚生飯、拉麵，大概搭五就上咗菜。而我哋個咖喱飯搭七先上菜，個鹽燒三文魚飯喺朋友食完咖喱飯、我催咗先後搭八先上。嗌兩個普通嘅熟食總共要等25分鐘真係不可接受。咖喱飯個豬扒炸得幾香，但啲飯煮得太濕而且太多，冇乜口感。咖哩都係咖哩𥖁味冇乜特別。咖喱豬扒同埋飯嘅比例掌握得唔好。鹽燒三文魚問題更加嚴重，太多飯太少魚，而且啲魚燒得太乾。唔會再食。