小甜谷 (已結業)

上次同朋友來食了榴槤甘露同waffle，個榴槤甘露已經不用我多講，個個都知出名多料新鮮好味😋😋但上次個waffle我就真係覺得好一般！唔夠脆味道不足😕今次再度光顧，老闆再度推薦waffle，本來我同朋友都冇興趣再試，不過老闆話改量左新配方，拍晒心口叫我地俾多次機會試下！咁就一於再試多次啦！真的不得不讚！新配方既waffle係出乎意料既好味！佢個外皮脆之餘唔會好硬身，而且好有蛋味，即使冇加醬係面亦都好夠味！另外再配上不一樣既雪糕球（應該係movenpick）！整個waffle set絕對係完全升級左！大讚呀👍👍另外我地仲叫了楊枝甘露涼粉😄小甜谷有樣野好好，就係佢地用料好足同新鮮！佢地楊枝甘露好香好重芒果味，每啖都係新鮮芒果肉再配涼粉！另一樣特色係佢既配料之一既"甘柚"，点解我會咁講，出面好多楊枝甘露中係放入一大舊既甘柚就算，簡直係求奇，食完只會覺得我只係張一舊舊既生果一次過食！但小甜谷真係俾我感覺好細心好有水準，佢地係張甘柚搣到一小粒一小粒再放入甜品中！食得出佢地既認真同細緻！絕對加分！又多一樣成名作品😀😀最後當然有我地既最愛榴槤甘露啦！水準冇變！都係咁好味😍😍