奶茶咖啡室

都係呢間餐廳嘅老顧客了，呢晚食左口水雞飯，以前係普通雞件，而家轉左做雞脾。雞脾都好大隻下，份量十足，有大量醃製嘅辣椒同芝麻，食落好麻辣同芝麻香。

但係就切得太大件較難落口，比起之前呢個口水雞變得鹹左，鹹味出過麻辣味，味道層次無之前咁豐富。整體而言，餐廳食物水準比以前下降，等出餐時間都愈嚟愈耐，希望會有改善。

不過都留意到愈出愈多新款式，如西冷扒配半隻龍蝦，見隔離枱食都好份量十足，價錢都只係$138，希望下次有機會試下其他款式！

口水雞脾飯

$47