三井日韓料理 (已結業)

講到食放題，點少得旺角嘅兆萬。今次去行街，見到三樓有新嘅放題，所以就同左朋友去試試。二百令蚊一個人，加$50仲可以升級！升左之後，有松葉蟹腳、黑松露和牛壽司、拖羅壽司、珍寶帶子同赤蝦刺身等等一開始當然叫刺身試試水溫先，有珍寶帶子同赤蝦、虎蝦，仲有三文魚、鯛魚同油甘魚！整體都新鮮，而珍寶赤蝦更係我的最愛，鮮甜而且爽口。至於油甘魚同鯛魚都無咩腥味。最後到松葉蟹腳，蟹肉新鮮但要自己慢慢拆肉喇！我地亦叫左紅之花 & 橙之花，賣相同平時嘅花之戀差不多，但可以見到師傅花左心思係配搭上。而最值得推介係黑松露和牛壽司，和牛微微燒熟，配上黑松露醬，味道更香口！之後叫左幾款小食，雞泡魚乾較為少見，但口感都幾特別。雞軟骨就炸得非常脆口，但最吸引我都係芝士炸年糕，雖然比較膩，但流心嘅芝士令我食多幾件。朋友中意食串燒，所以叫左2大碟。其中最為特別係煙肉荔枝卷，香甜荔枝被煙肉包住，清甜得黎又帶啲咸香味！而翠肉瓜就燒得比較腍身，但多春魚就燒得燶左啲，所以有少少苦澀味。整體不過不失，但味道略為咸左一啲最後就黎到甜品，馬卡龍細細粒，但中間係果jam做餡，味道有啲奇怪。Chocolate Brownie味道好濃郁，但相對