影片
更多
2007-08-19
2 浏览
有一日我同朋友心血來潮想食齋，於是我就係呢度搵！但係由於個日係齋期，所以好多齋鋪都full book，本身都打定輸數，但係點知打度呢間，佢竟然受喎，仲要係最繁忙嘅7點，於是我地一心就去呢度食！其實起初都好擔心，因為個日係齋期都仲有齋鋪可以book位，都幾奇怪，但係最終我地都係去試左！之前我地知道會遲，所以已經預先打左電話去，佢亦都話冇問題！我地大約7點20分去到已經見到好多人，好彩我地book左枱，就走左去個職員度，點知佢俾左張飛我地，個時已經見到除左我地上面仲有4-5張係度等，咁就以為佢會俾左dbook左枱嘅人先，所以就冇理佢！點知等到7點55分發覺有d唔妥，我就走去問佢仲有幾多張，佢答我仲有1張，我就再望下佢本薄，竟然發現我地之上個d就剩返1張！當時我真係好嬲，我問佢我地book左枱唔係應該俾左我地先咩？個職員答我因為今日係齋期，所以叫我地等，我就同佢講如果book左枱都係要好似攞飛咁等，咁我book枱嚟做咩？咁當初係就唔好受我啦，又唔同我講嚟到都要等！個職員聽到我咁講佢就剩係講左句唔好意思就再無理過我！到最後我地要成8點10分先可以入去！我真係俾佢激死！環境方面因為我地係坐係門口
但係由於個日係齋期，所以好多齋鋪都full book，本身都打定輸數，但係點知打度呢間，佢竟然受喎，仲要係最繁忙嘅7點，於是我地一心就去呢度食！其實起初都好擔心，因為個日係齋期都仲有齋鋪可以book位，都幾奇怪，但係最終我地都係去試左！
之前我地知道會遲，所以已經預先打左電話去，佢亦都話冇問題！我地大約7點20分去到已經見到好多人，好彩我地book左枱，就走左去個職員度，點知佢俾左張飛我地，個時已經見到除左我地上面仲有4-5張係度等，咁就以為佢會俾左dbook左枱嘅人先，所以就冇理佢！點知等到7點55分發覺有d唔妥，我就走去問佢仲有幾多張，佢答我仲有1張，我就再望下佢本薄，竟然發現我地之上個d就剩返1張！當時我真係好嬲，我問佢我地book左枱唔係應該俾左我地先咩？個職員答我因為今日係齋期，所以叫我地等，我就同佢講如果book左枱都係要好似攞飛咁等，咁我book枱嚟做咩？咁當初係就唔好受我啦，又唔同我講嚟到都要等！個職員聽到我咁講佢就剩係講左句唔好意思就再無理過我！到最後我地要成8點10分先可以入去！我真係俾佢激死！
環境方面因為我地係坐係門口，所以根本睇唔清楚裡面嘅情況，剩係望過入去得一個字- 迫！
至於野食方面，除左個名特別d同個買相靚d之外，基本都係傳統嘅齋菜，而且d食物真係好淡，可能係因為齋菜哇。令我地最欣賞嘅係個刺身，真係好似同好食，其餘嘅都冇乜新意。如果你係想食d新派嘅齋菜呢度係會令你好失望！因為我地係叫299嘅四人套餐，所以有糖水送，但係呢樣係令我地極之失望，因為係超級唔好食架！
到左價錢方面，除左299嘅餐我地就只係叫左3罐汽水，但係到左埋單，居然係399蚊！我地問佢點解，個職員就好求其話係茶介、加一之類，我地都聽唔明。到最後佢仲俾左張9折卡我地，我地係收左，不過我都決定以後唔會再去，因為佢地d服務態度真係好差！
张贴