影片
更多
2022-07-03
105 浏览
人生第一次寫食評好憤怒！1️⃣水牛城單骨雞翼$68你比CP雞翼我，我真係唔介意嘅，我仲覺得幾正，但你淨係射D汁係上面就話係水牛城雞翼⋯⋯我都唔緊要，但你起碼都撈勻佢比我呀！佢另外有薯條跟埋，但一睇就睇得出係翻炸。2️⃣鵝肝牛肉漢堡$138鵝肝細細舊無乜特別因為本身都係油，食食下已經同個包融為左一體但都唔係特別香所以個包輕輕帶過。最後叫左個ODO晚餐(價錢視乎你食邊個主菜)3️⃣粟米湯，嚴格黎講佢都唔叫係湯，佢個湯既質感就好似我地平時去茶餐廳食粟米斑塊個個芡汁一樣，試埋連個味都係一模一樣。4️⃣香烤大頭蝦手工意粉$148隻大蝦整得都唔錯既，不過見到大大條蝦線已經唔太想食，食落隻蝦仲要係霉既。意粉份量勁少，又咸又唔好食，連個瓜都食得出係就爛同埋係就咁烚完最後倒落去兜兩兜 。5️⃣咖啡特濃咖啡湯力水$15(因為晚餐包$33嘅飲品所以淨係補$15)飲唔到有湯力水既味，咖啡苦苦澀澀，好似一早用機整定放左好耐，部機好耐無洗/洗唔乾淨咁樣。埋單因為新開張訂枱全單有9折，但都要$369，可能你地會覺得$369唔好咁多要求，將貨就價，但係我想講$369又有質素嘅選擇真係多的是，難聽d咁講我寧願食M記一次過食6個安格斯漢堡餐
好憤怒！
1️⃣水牛城單骨雞翼$68
你比CP雞翼我，我真係唔介意嘅，我仲覺得幾正，但你淨係射D汁係上面就話係水牛城雞翼⋯⋯我都唔緊要，但你起碼都撈勻佢比我呀！佢另外有薯條跟埋，但一睇就睇得出係翻炸。
2️⃣鵝肝牛肉漢堡$138
鵝肝細細舊無乜特別因為本身都係油，食食下已經同個包融為左一體但都唔係特別香所以個包輕輕帶過。
最後叫左個ODO晚餐
(價錢視乎你食邊個主菜)
3️⃣粟米湯，嚴格黎講佢都唔叫係湯，佢個湯既質感就好似我地平時去茶餐廳食粟米斑塊個個芡汁一樣，試埋連個味都係一模一樣。
4️⃣香烤大頭蝦手工意粉$148
隻大蝦整得都唔錯既，不過見到大大條蝦線已經唔太想食，食落隻蝦仲要係霉既。
意粉份量勁少，又咸又唔好食，連個瓜都食得出係就爛同埋係就咁烚完最後倒落去兜兩兜 。
5️⃣咖啡特濃咖啡湯力水$15
(因為晚餐包$33嘅飲品所以淨係補$15)
飲唔到有湯力水既味，咖啡苦苦澀澀，好似一早用機整定放左好耐，部機好耐無洗/洗唔乾淨咁樣。
埋單因為新開張訂枱全單有9折，但都要$369，可能你地會覺得$369唔好咁多要求，將貨就價，但係我想講$369又有質素嘅選擇真係多的是，難聽d咁講我寧願食M記一次過食6個安格斯漢堡餐食死自己都唔會再食呢間。
PS 食完餐飯成晚個口勁乾，大家自行考慮仲會唔會食，我就真係唔會啦！
张贴
