S2 鐵板燒 (已結業)

首先由外观讲起, 本身间野已经细, 位同位中间好逼, 每张枱既距离好近, 隔离位讲咩都好清楚, 唔够人手, 但又要接咁附生意, BOOK左位都等左两个钟先有前菜食, 饿到晕, 一句唔好意思都无, 野食仲要唔熟, 牛油果硬既, 烧龙虾透明, 炒饭无味, 个位乐师傅仲要脾气差,烧烧下系你面前掉野, 发出巨大声响, 食到极不安, 唔系比面朋友因为朋友生日,都唔会继续留系度食, 食埋D下价野牛肉几粒,猪肉几粒, 蛏子有沙,够胆收你$800一位, 最最最惨系完全唔饱! 贴钱买难受! 好怀疑间餐厅既好评系比钱买返黎, 如果呢个价位, 好过呢间餐厅既有大把选择, 劝大家谂清楚食唔食。