影片
更多
2021-11-02
124 浏览
星期五晚去食88分鐘大閘蟹放題，星期四朝喺togetda book兩人1930，張信用卡扣咗$8xx以為book咗位唔使等？大錯特錯啦。放題聲稱88分鐘，但原來七點半去到都要等88分鐘先可以入座我哋七點半去到，門口已經排咗三四十人，全部都係book七點半，但因為呢間垃圾餐廳俾人over booked同walk in，要啲畀咗錢嘅人無限等，場面就好似間嘢爭人錢班人去追數咁，非常壯觀 我地等到九點先入座，上佢後樓梯一樓嘅，九點半先有蟹食平時放題係你落order佢送上嚟,但因為呢間嘢極度混亂嘅緣故，侍應只可以捧住一大堆食物問人要唔要，啱就攞…全場食客都係到鬧講食物，我係食到回本嘅，食咗七隻三両蟹，但去到最後一兩輪啲蟹已經有啲打開係暗黑色唔可以食。台式小食就正正常常放題水準，唔好太高期望。台式飲品就非常差，亂咁沖飲完都唔知係唔係自己叫個款（因為已經太夜同太趕仲有太嬲嘅關係除咗大閘蟹我冇影到任何相）講服務，都係非常差。因為佢marketing做得太好，間嘢冧曬檔，侍應們都做到手忙腳亂好崩潰，有男侍應大叫oh my god，好幾次都見到佢哋催客“夠鐘夠鐘交枱”,反而畀客鬧返轉頭“我半個鐘前叫嘅蟹/
以為book咗位唔使等？大錯特錯啦。放題聲稱88分鐘，但原來七點半去到都要等88分鐘先可以入座
我哋七點半去到，門口已經排咗三四十人，全部都係book七點半，但因為呢間垃圾餐廳俾人over booked同walk in，要啲畀咗錢嘅人無限等，場面就好似間嘢爭人錢班人去追數咁，非常壯觀 我地等到九點先入座，上佢後樓梯一樓嘅，九點半先有蟹食
平時放題係你落order佢送上嚟,但因為呢間嘢極度混亂嘅緣故，侍應只可以捧住一大堆食物問人要唔要，啱就攞…全場食客都係到鬧
講食物，我係食到回本嘅，食咗七隻三両蟹，但去到最後一兩輪啲蟹已經有啲打開係暗黑色唔可以食。台式小食就正正常常放題水準，唔好太高期望。台式飲品就非常差，亂咁沖飲完都唔知係唔係自己叫個款（因為已經太夜同太趕仲有太嬲嘅關係除咗大閘蟹我冇影到任何相）
講服務，都係非常差。因為佢marketing做得太好，間嘢冧曬檔，侍應們都做到手忙腳亂好崩潰，有男侍應大叫oh my god，好幾次都見到佢哋催客“夠鐘夠鐘交枱”,反而畀客鬧返轉頭“我半個鐘前叫嘅蟹/嘢飲都未嚟，你叫我走！？等就等咁耐嘢食就上唔足” 而且有客叫阿姐催單嗰陣，個阿姐話冇得催呀！ 廚房整唔切呀！
原本我168 fasting,係一點至九點食嘢，諗住book七半食到九點啱啱好，點知最後要十一點先可以食完.未試過要係一間餐廳等咁耐，就算壽司郎我都淨係試過排一個鐘，何況呢間我book咗仲要畀咗錢
最後想同大家講唔好畀等等hea嘅marketing呃咗，仲有唔好用togetda,我之後喺佢社交平台留言講返經歷，佢哋秒delete
如果大家好想食大閘蟹，可以畀貴少少食第二間
利申：去到先知係黃店，但咁嘅服務同安排，100%係克店
6 浏览
0 赞好
0 留言
张贴
