影片
更多
2011-03-14
5 浏览
家樂坊地庫有幾間食店，因為晚飯時間黎，預左一定要等得耐，所以拎左三間位(諗住邊間有位先就入邊間)。因為之前試過味吉拉麵館覺得幾好味，又想試下其他野，而且同行友人比門口隻餃子吸引到，所以最後決定食呢間，點知...........老實講，dinner set又的確係幾抵，我們叫左三個餐，S2/S3/S5S2：餃子６隻，叉燒拉麵，炒飯，沙律，湯/汽水 ($58)S3：餃子６隻，炸雞/炸豬排 炸麵 ，沙律，湯/汽水 ($58)S5：餃子６隻，咖哩牛肉烏冬，汽水 ($58)其實我係食S3的，真係唔知點餐時何來的勇氣會點了炸麵餐，事後超後悔，先講沙律，超salty，又帶點酸，麵豉湯，淡而無味，炸雞炸麵，炸雞就普通的炸雞，冇特別好亦唔差，但係炸麵就出事啦，炸麵係羅漢齋炒麵個麵底，配上一碗類似「湯羹」的東西一起食，味道真的好怪而service方面就真係好差，雖然呢間唔係五星級飯店，但服務真係.................我們三個人，佢就安排我地坐「橫枱」，三人排排坐，好難傾到計。坐「橫枱」跟對面的客人好近，對面客人講乜野，你都知道。問佢可以對住坐嗎？經理話唔可以，對面兩個兩個坐(因為再安排多兩枱客
因為之前試過味吉拉麵館覺得幾好味，又想試下其他野，而且同行友人比門口隻餃子吸引到，所以最後決定食呢間，點知...........
老實講，dinner set又的確係幾抵，我們叫左三個餐，S2/S3/S5
S2：餃子６隻，叉燒拉麵，炒飯，沙律，湯/汽水 ($58)
S3：餃子６隻，炸雞/炸豬排 炸麵 ，沙律，湯/汽水 ($58)
S5：餃子６隻，咖哩牛肉烏冬，汽水 ($58)
其實我係食S3的，真係唔知點餐時何來的勇氣會點了炸麵餐，事後超後悔，
先講沙律，超salty，又帶點酸，
麵豉湯，淡而無味，
炸雞炸麵，炸雞就普通的炸雞，冇特別好亦唔差，但係炸麵就出事啦，炸麵係羅漢齋炒麵個麵底，配上一碗類似「湯羹」的東西一起食，味道真的好怪
而service方面就真係好差，雖然呢間唔係五星級飯店，但服務真係.................
我們三個人，佢就安排我地坐「橫枱」，三人排排坐，好難傾到計。坐「橫枱」跟對面的客人好近，對面客人講乜野，你都知道。
問佢可以對住坐嗎？經理話唔可以，對面兩個兩個坐(因為再安排多兩枱客入座)，
唉，可見佢地只顧生意，唔顧客人啦。
另外，有一個waitress拎錯餐比客人，客人自然話唔係佢啦，那個waitress一時唔知要點做，馬上面露不悅
而且，因為一人一碟餃子，而我個碟又係最遲黎，有個waitress放係我朋友個邊，我即刻話：放呢度，佢臉上又露出驚訝我叫佢放黎我個邊的表情，難道waitress不應該這樣做嘛？
總括黎講，呢間食店只係顧生意，完全忽視客人的感受，客人坐得唔舒服，又如何享受晚餐呢？
抱歉未能提供相片啊
张贴