影片
更多
2006-07-21
38 浏览
位於土瓜灣美善同道,有間近乎隱形的上海菜館"美華",多年來,無人提過,無人煲過.在香港呢個資訊內出血的地方,又真係好奇.重令人匪夷所思的是,就係屹立此條崛頭路多年,依舊客如雲來.套用老夫子一個常見的題目:耐人尋味.非常up dup環鏡,食客有操流利上海話的師奶,有地盤三行佬,有年青人,有一家大細,亦有我呢類去到邊吃到邊的浮游生物.此店其中一個引人賣點,就係早上六點半開舖,早餐有即叫即蒸小籠包,銀絲卷,生煎窩貼,等等.整條街,彷如被遺忘的國度,連帶附近一帶之人,動作似乎也比較慢,即叫即蒸小籠包,用你三四個字時間等候.來到此處,時間非大不了,多多也花得起.小籠包一籠八隻,盛惠$26.皮薄唔易穿,任由你打幾下韆鞦,依然固若金湯.一口一隻,燙到死去活來.還是先咬一口,啜其湯汁.湯汁鮮甜,熱到燙口.餡料份量夠.吃得好不過癮,加碗甜豆漿,呢個非常早餐,惹人羨慕.起碼事後同幾個朋友"晒命",惹來嘩嘩聲.頓時虛榮指數直上萬七點,比起你用個Mulberry Rockley袋招搖過市,更加高級,虛榮.連翡翠貨色也吃得津津有味的朋友,應該要黎試下.同場加映平到癲的套餐,一個8-10的套餐,有鱔片,黃魚,星戰
非常up dup環鏡,食客有操流利上海話的師奶,有地盤三行佬,有年青人,有一家大細,亦有我呢類去到邊吃到邊的浮游生物.
此店其中一個引人賣點,就係早上六點半開舖,早餐有即叫即蒸小籠包,銀絲卷,生煎窩貼,等等.
整條街,彷如被遺忘的國度,連帶附近一帶之人,動作似乎也比較慢,即叫即蒸小籠包,用你三四個字時間等候.來到此處,時間非大不了,多多也花得起.
小籠包一籠八隻,盛惠$26.皮薄唔易穿,任由你打幾下韆鞦,依然固若金湯.一口一隻,燙到死去活來.還是先咬一口,啜其湯汁.湯汁鮮甜,熱到燙口.餡料份量夠.吃得好不過癮,加碗甜豆漿,呢個非常早餐,惹人羨慕.起碼事後同幾個朋友"晒命",惹來嘩嘩聲.頓時虛榮指數直上萬七點,
比起你用個Mulberry Rockley袋招搖過市,更加高級,虛榮.
連翡翠貨色也吃得津津有味的朋友,應該要黎試下.
同場加映平到癲的套餐,一個8-10的套餐,有鱔片,黃魚,星戰雲吞雞,窩巴等等.唔使五百,就算大食一點,叫多兩三味,也所費無幾,真係好吸引.不知道食友們有無興趣?
假如已故的留園,老上海等如"Mood in love"內,年華老去但依舊高貴的潘迪華的話,照咁講,美華應該係一名30年代活在上海灘,在百樂門伴舞的少女,一身Iondanthren cloth旗袍,在法租界霞飛路某間咖啡店,與一位英國紳士,有過一段霧水情緣....
幾十年來經過日本仔侵華,文革批鬥下放農村,到今日,孑然一身,隱居在上海郊區一間石屋內的古稀老婆婆..過著潦到的日子...
呢個結局,如果張愛玲尚在生,睇見都打冷震.
张贴
