影片
更多
2016-12-15
182 浏览
大角咀食肆宜係多到數唔哂，由細到大呢到都係我同爸爸媽媽蒲開既地方後來搬走左所以好少黎呢到，無黎兩三年點知而家返黎已經唔同哂，多左好多好多新野食，而從前同屋企人最愛果啲餐廳都淨返好少時間既洗禮無人能夠阻止，能夠留低既就只有真材實料既人同物。今次黎到呢間金船長已經開左十年，能夠對抗咁多競爭而留係到，當然有佢既理由！七點幾黎到，唔算多人，餐廳唔太大但樓底高，比人好闊絡既感覺，牆身不乏關於航海既裝飾，感覺置身係船入面進餐，而且燈光較暗，比較適合情侶黎食海鮮沙律配千島醬 $98:首先黎到既係呢個海鮮沙律，一上枱真係比佢份量嚇親，鋪面既海鮮多到喊出黎！而且一啲都唔係平價果啲雪藏海鮮，淨係蝦都已經有三四隻，仲有埋青口魷魚等等，多到數唔哂囉食落都係無雪味算幾新鮮，尤其是個魷魚，切埋花而且煮得岩岩好好爽口！以為啲海鮮已經夠抵食？錯，下面仲有大量生果，士多啤梨、火龍果、梨、蘋果等等，您話今時今日有咩地方既沙律會咁真材實料平時海量既菜今次反而最少，好耐無食過咁抵既沙律！！堅推介呢個法式焗田螺$68:田螺一共有六隻，用左大量牛油蒜蓉作調味，所以味道都幾濃，配埋既法包雖然唔係熱烤，但面包皮相當脆口，用黎點汁就岩
七點幾黎到，唔算多人，餐廳唔太大但樓底高，比人好闊絡既感覺，牆身不乏關於航海既裝飾，感覺置身係船入面進餐，而且燈光較暗，比較適合情侶黎食
海鮮沙律配千島醬 $98:首先黎到既係呢個海鮮沙律，一上枱真係比佢份量嚇親，鋪面既海鮮多到喊出黎！而且一啲都唔係平價果啲雪藏海鮮，淨係蝦都已經有三四隻，仲有埋青口魷魚等等，多到數唔哂囉食落都係無雪味算幾新鮮，尤其是個魷魚，切埋花而且煮得岩岩好好爽口！以為啲海鮮已經夠抵食？錯，下面仲有大量生果，士多啤梨、火龍果、梨、蘋果等等，您話今時今日有咩地方既沙律會咁真材實料平時海量既菜今次反而最少，好耐無食過咁抵既沙律！！堅推介呢個
法式焗田螺$68:田螺一共有六隻，用左大量牛油蒜蓉作調味，所以味道都幾濃，配埋既法包雖然唔係熱烤，但面包皮相當脆口，用黎點汁就岩哂，不過主角田螺就反而幾細粒，唔係太食到佢質感如何
香煎三文魚配比目魚 $148:雖然叫到佢地好多廚師推介，而且大部份都係牛，但叫左呢個魚食，魚要煎得好食其實都唔易架！魚有石班同呢個揀，而我就揀左呢個可以一次過食哂兩種魚，挪威三文魚比起比目魚更香口，皮煎得微脆，魚肉熟度亦剛好，比目魚同樣岩岩好，魚肉一片片非常分明，兩條魚柳同樣調味唔濃但亦唔會太淡口，感覺上幾清淡，如果想食西餐又唔係食肉獸要厚切牛排果啲，可以揀下呢個，同坦加映既薯蓉反而勁多份量，好細滑，比起意粉或飯更飽肚！但我都食唔哂
金船長芝士漢堡包 $68:見到牆身有好大個burger 圖案，幾吸引，而且見六十幾蚊幾平，就叫個黎試下！
個包都唔細，我呢啲大口怪都難一啖咬落去囉配料都係普通既蕃茄洋蔥菜等等，但蕃茄較薄身，反而最厚身竟然係洋蔥！淨食塊洋蔥已經好攻鼻！個人唔太中意洋蔥但唔知點解今次既洋蔥辣口又會同個包幾夾，面包略嫌唔夠香脆，但令人意外係塊牛，服務員提議既7成熟的確岩岩好，牛肉唔算太大塊但肉汁好多！肉脂比例適中，感覺好新鮮。整體黎講呢個漢堡包係配料同醬汁唔算太突出，但牛肉肉汁令價錢值回票價！平食之選！
黑松露菌醬意式馬斯卡普芝士夾心披薩 $ 108:登登登登！一坐低問服務員有咩推介，佢話呢個係必點喎，有六吋同九吋，叫左6吋試試，作為得奬招牌菜，當然有其吸引之處，簡簡單單黑松露同芝士兩種食材，巧妙咁産生化學作用，而家芝士成日拉絲咁食太悶啦，今次用芝士粉鋪滿餅面，再焗至微脆鬆化，口感豐富，脆卜卜好過癮，薄餅夾着只有黑松露醬配牛油但已經極之香濃，第到真係無食過咁樣既薄餅， 獲獎確係有原因 難怪枱枱都叫
梳乎里（薑味）：晚餐加$38可以配個甜品，梳乎里味道有4種任選，冬日點左個薑味黎試，份量好大，比平時甜品店單叫既更大份，薑味無預期中既濃，但整體都高質，尤其是外皮好有口感，放耐左仲要唔會扁左！難得
心太軟：心太軟夠熱但唔太流心，份量亦較細，但勝在朱古力味夠濃，都唔錯！滿足既一餐！
张贴
