利苑粥麵專家 (已結業)

今時今日，鬧市中仍可享受粥麵，真係少之又少。每次來利苑，那種六，七十年代的feel , 總是給人有種時間停頓的感覺。找個木卡位坐先！星期日嚟, 當然係叫時間限定的雞肉雲吞麵。不出三分鐘，香噴噴的一碗已擺在我面前！麵冇鹼味，幾爽，但又未算脆，算合格了！ 另仲有一啖一粒，不太大粒的雞肉雲吞。雞肉做的好似冇豬肉做的咁有咬口, 相信係肉質本身的問題，雞肉本來就冇咁多筋吧。不過當然仍好夠味，蝦ok爽口。很開心的一個下午。走的時候，總不忘望望部老爺收銀機。有時，我們努力的勉懷過去，要集體回憶，唔想舊的事物消失。但好多時我都唔明點解自己都有咁嘅諗法。或許，小時候的我們，多數都比現在快樂吧？很可惜，收銀機還在，但已不functional 。記得，早前有報紙訪問明哥，為何不重唱"石頭記".明哥答道，"石頭記是那個80年代的產物，還是讓它留在那裡比較好吧."也許，有些東西，還是在記憶中回味才最有感覺。不過，講就咁講，食野係靠味蕾的，希望此店, 長做長有，以後還可多多幫襯！