影片
更多
2019-01-07
166 浏览
好耐無去茶餐廳/冰室食過野，今日趁同朋友來旺角東呢邊，搵野食個時咁o岩見到有呢間十字冰室就去試下。呢度個環境好寬敞舒適，透明玻璃設計令成間餐廳都好明亮，餐廳中間係個冰室必備嘅水吧檯。呢度嘅賣點係用十字牌牛奶，所以好多食物飲品都加入十字牌嘅去整或者做湯底。朋友就叫左個常餐。我就叫左個All day breakfastAll Day Breakfast份量好多好豐富！炸雞扒好有驚喜！平時一直都唔鍾意食雞扒，因為好多餐廳d雞扒都係好多炸粉，好厚脂肪兼好油，有時仲炸到塊皮同d肉係完全分離。但呢度嘅雞扒嘅皮下嘅脂肪唔多亦唔厚，而且肉質非常嫩滑，塊皮同d肉係唔會分離，炸得好好食！加左十字牌牛奶炒嘅炒蛋的確比普通嘅炒蛋滑好多，而且炒得剛剛好，唔會好水。餐肉同腸仔都ok，個味唔係太鹹。呢度嘅奶茶都係用十字牌牛奶沖，奶同茶嘅比例調較得好好，香濃奶香又不失茶味，口感亦都好滑！之後我地叫多左個呢度嘅招牌朱古力醬西多士。西多士炸得非常好，熱辣辣上碟，熱度將Nutella朱古力醬慢慢融化開，好輕易就搽勻全塊多士。食落西多士個口感同方包一樣較軟身，唔會炸得好硬，再配埋Nutella朱古力醬，幾新鮮特別！我地之後叫
呢度個環境好寬敞舒適，透明玻璃設計令成間餐廳都好明亮，餐廳中間係個冰室必備嘅水吧檯。
呢度嘅賣點係用十字牌牛奶，所以好多食物飲品都加入十字牌嘅去整或者做湯底。
朋友就叫左個常餐。
我就叫左個All day breakfast
All Day Breakfast份量好多好豐富！
炸雞扒好有驚喜！平時一直都唔鍾意食雞扒，因為好多餐廳d雞扒都係好多炸粉，好厚脂肪兼好油，有時仲炸到塊皮同d肉係完全分離。但呢度嘅雞扒嘅皮下嘅脂肪唔多亦唔厚，而且肉質非常嫩滑，塊皮同d肉係唔會分離，炸得好好食！
加左十字牌牛奶炒嘅炒蛋的確比普通嘅炒蛋滑好多，而且炒得剛剛好，唔會好水。
餐肉同腸仔都ok，個味唔係太鹹。
呢度嘅奶茶都係用十字牌牛奶沖，奶同茶嘅比例調較得好好，香濃奶香又不失茶味，口感亦都好滑！
之後我地叫多左個呢度嘅招牌朱古力醬西多士。西多士炸得非常好，熱辣辣上碟，熱度將Nutella朱古力醬慢慢融化開，好輕易就搽勻全塊多士。食落西多士個口感同方包一樣較軟身，唔會炸得好硬，再配埋Nutella朱古力醬，幾新鮮特別！
我地之後叫多左兩杯野飲。朋友嘅係冰鎮咖啡
我就叫左杯雲呢拿焦糖奶昔。
D焦糖係杯邊，較勻之後飲，濃濃嘅雲呢拿味配焦糖香甜味，而且仲加左d脆脆，非常好飲。
张贴
