車厘哥夫餅店

营业中

休息中

自從對我o黎講最就腳o個兩間分店執o左之後，就好少幫襯車厘哥夫。早幾日「破o左戒」，路過太子，食o左佢個十字包。十字包（至少我食過）有兩種：一種係好似餐包咁，有提子乾同埋有2 條拉成個「十」字既吉士；另一種係好似軟曲奇餅咁，有提子同埋有個無掃蛋汁而成既「十」字，而車厘哥夫十字包則為後者。個十字包有成隻手板咁大，亦都有成隻手板咁厚。每咬一啖（記住，係「每咬一啖」），都有2~3 粒大大粒既提子乾，但單睇佢個樣，就唔多睇得出佢有咁足料（D 提子乾沉哂底？）。雖然曲奇十字包偏軟，但勝在夠香，同新鮮出爐。咁既十字包賣$4（八達通9 折o左，原價$4.5），算幾抵食。