湘川滬 (+WOO嘉湖二期)

营业中

休息中

其實係十年前, 仲讀緊書既時候, 媽咪好鐘意帶我黎依度飲茶, 因為依度既人參烏龍個隻甘甜真係好好飲!!!畢左業後就少左去銀座, 咁岩同男朋友入天水圍剪頭髮, 1點左右又未有下午茶, 我就建議去湘川滬飲茶啦~當日我點叫左幾碟野, 飲下茶, 打下機~ 每樣都唔錯wo~先叫左個酸辣湯, 近期一直都好想食, 個味夠酸夠辣, 料都算多, 唔錯而男友話想食既小龍包咬落去超多湯, 但皮就真係厚左少少, 整體我覺得都ok~另外鳳爪同豆沙鍋餅都好食! 夠熱, 份量都夠~對比起有幾好食, 反而更似懷念當初, 考完試放學媽咪等我一齊嘆茶既光陰呢~