Mini Club (已結業)

聽聞山林道分店口碑(包括服務)唔錯, 所以我寧願等多一星期都要到呢間分店試試. 我訂咗當晚七點正, 場內都無乜人, 以為中招, 但陸陸續續都有人入黎, 好彩都唔算嘈, 個場0既氣氛都幾有mood. 由於我地目標係生蠔, 於是waiter 就搵咗店長黎介紹, 佢講得好詳細, 但無我友人最鍾意食0既cherrystone, 即時down 咗一半. 最後我地都叫咗四款共八隻 (大約$120 四隻), 名唔係好記得, 之後我地返call 咗white pearl 同brittany, 兩隻都海水味適中, 好好味 . 由於我地網上訂位, 送咗藍青口一打, 味道一般, 無乜特別. 我地仲叫咗一個意大利飯, 一杯beer 同一杯mojito. 整体食物質素唔錯. 特別一提花生refill 逐碟計, 不過唔貴. 呢間餐廳0既人個個都好nice, 成餐都好舒服. 值得推介, 建議happy hour 時段黎, 有全單八折!!