手拉麵小廚

营业中

休息中

今次我叫咗個蔥爆羊肉炒手拉麵同埋小籠包，兩樣既味道都唔錯既。炒手拉麵既特色係現場即拉既，炒起上嚟佢有好實在既質感，口感煙煙韌韌，加上羊肉既味道，再配上洋蔥微微既辣度，簡直就係味覺既誘惑，剛炒起熱辣辣惹味香口。佢既小籠包亦都十分有特色，以湯包咁既造型上枱，每個小籠包裡面均肉汁豐富，肉同汁既比例大概1比10，換句話說即係個餡唔係一嚿肉嚟，係肉碎加湯汁，食法都有技巧既。鍾唔鍾意真係見仁見智，蛋蛋就頗喜歡佢既味道，口感就欠奉。