影片
更多
2023-04-07
66 浏览
嚟到小泰國🇹🇭唔食返餐泰菜都對唔住自己啦，行過太子道西肚仔餓，咁啱見到呢間小曼谷xxx門口隻吹氣公仔不斷向我招手，一於捉緊下午茶嘅尾巴，入去醫下肚🫃🏼👇🏼我今次就試咗呢兩味👇🏼泰式鮮蝦炒金邊粉🍝$60黃咖喱雞肉配己原味炒薄餅🥘$49 另外跟餐嗌咗杯珍多冰🍹$21同椰青🧉$25下午茶嘅價錢，但份量真係無呃秤，唔會得細細兜，好似食咗陣風落肚咁，淨係性價比已經值得我下次再嚟食多次🧏🏽♂️咁講得肯返再食，味道就一定唔會差啦🫶🏼先講下個金邊粉，嗰浸油香我真係依家諗返起都留口水🤤而油得嚟又唔會膩，唔覺唔覺就吞曬成碟，真係好有風味🇹🇭再到個黃咖哩雞，食過好多間，其實好少可呢味餸會用雞件，一般都係放啲雞肉落去就算，所以一上枱嗰陣其實係有驚喜🤭而且佢啲雞仲係啖啖肉，唔會骨慘慘咁搵笨喎👍🏼真係好抵食，亦都好好食🤤黃咖哩個底有紅椒青椒洋蔥做底調味，用薄餅沾曬啲咖哩之後，忍唔住都飲咗兩啖先肯收手🫃🏼兩杯特飲跟餐平少少，椰青就唔洗多講啦，隻隻都係咁上下，清新，肉爽🤣珍多冰就甜得嚟唔會好罪惡，食幾啖又啜幾啖，好fresh囉🌻總括嚟講，無論份量、食物質素、味道以至價錢，我都係非常滿意💪🏼 9.5/10 期待下次再幫
👇🏼我今次就試咗呢兩味👇🏼
泰式鮮蝦炒金邊粉🍝$60
黃咖喱雞肉配己原味炒薄餅🥘$49
另外跟餐嗌咗杯珍多冰🍹$21同椰青🧉$25
下午茶嘅價錢，但份量真係無呃秤，唔會得細細兜，好似食咗陣風落肚咁，淨係性價比已經值得我下次再嚟食多次🧏🏽♂️
咁講得肯返再食，味道就一定唔會差啦🫶🏼先講下個金邊粉，嗰浸油香我真係依家諗返起都留口水🤤而油得嚟又唔會膩，唔覺唔覺就吞曬成碟，真係好有風味🇹🇭
再到個黃咖哩雞，食過好多間，其實好少可呢味餸會用雞件，一般都係放啲雞肉落去就算，所以一上枱嗰陣其實係有驚喜🤭而且佢啲雞仲係啖啖肉，唔會骨慘慘咁搵笨喎👍🏼真係好抵食，亦都好好食🤤黃咖哩個底有紅椒青椒洋蔥做底調味，用薄餅沾曬啲咖哩之後，忍唔住都飲咗兩啖先肯收手🫃🏼
兩杯特飲跟餐平少少，椰青就唔洗多講啦，隻隻都係咁上下，清新，肉爽🤣珍多冰就甜得嚟唔會好罪惡，食幾啖又啜幾啖，好fresh囉🌻
總括嚟講，無論份量、食物質素、味道以至價錢，我都係非常滿意💪🏼 9.5/10 期待下次再幫襯👅
张贴
