The Hwaduk (已結業)

開平道係利園後面，其實易揾既！一入好似辦公室大堂，上lift係睇到外景，雖無咩景，但都搭得開心！一入嚟就有韓國音樂好，環境好清潔。帶手套食烤雞配年糕係一大隻雞，香味辣辣地。先食年糕，一睇以為係薯仔，心諗咁奇怪。一咬，原來係炸左既年糕，外脆內軟，特別係依間食到！雞內大都好嫩口，少少係胸肉無咁嫩。雞腿最吸味同多汁，哈哈。雞翼都唔差嫁！食完食酸白蘿蔔清一清。再食沙律菜中和返哂食咁多肉。韓式什錦魚蛋湯熱辣辣，魚蛋好多種類。其中一粒有青椒微辣既肉配胡蘿蔔，其他係好彈牙既魚糕，真係覺得有點魚味又唔腥。湯好清淡無味精，但濃蛋味。有青菜 芽菜 金菇更加健康，有埋雞蛋好多野食。飲品好大杯好似Ruby Tue既size！Grapefruit Soju清新，用梳打水整嫁！Grapefruit味好濃好濃，唔係藥水味，正！Peach Soju比grapfruit甜同埋peach味好重，好岩女仔飲！每杯都有果肉，真材實料。