円相

营业中

休息中

最近同朋友喺尖沙咀度食咗一間非常之好味嘅日式菜，當中好幾道菜式非常推薦，侍應態度親切又貼心，環境十分舒適。🤩🤩首先，我哋點咗辣蘿蔔蓉左口魚紫蘇葉，清新得來帶點微辣，左口魚新鮮美味。另外，我十分推薦蒜香牛柳粒黑醬油炒飯，牛柳肉質嫩滑份量又多，加入黑醬油炒香後非常惹味，而且夠乾身。🫶🏻🫶🏻另外，火炙明太子山藥煎相當特別，明太子嘅味道好香濃，經過火炙味道更突出，山藥同明太子好夾。此外，月見汁免治雞肉棒都好好食，雞肉有咬口。😎😎之後我地仲叫左火炙左口魚裙邊，呢個前菜有驚喜，火炙令左口魚嘅油脂迫咗出嚟。真花魚一夜干係我呢餐飯最滿意嘅，佢係完全燒完上枱，燒得好香，魚肉好結實，而且非常入味。😆😆