越泰香辣軒

营业中

休息中

本年度工展會開幕首日，我同親友在呢間越泰香辣軒買了10個椰皇啫喱，當時售價是$20元一個，回家試過後，家人都很喜歡，我還介紹多位朋友去買。今天工展會是最後一日，執定雪櫃空間，帶定雪袋，專程抽空由大圍過去維多利亞公園搵番呢檔，打算買番30個回家。結果....今日價錢係110蚊4個，比工展會首日賣的價錢，平均每個貴了$7.50，買30個就貴了$225元。我問那女士，我之前嚟買，只是$20一個而已，她回覆:冇賣過20蚊。我話:工展會首日，我嚟買過的。她才說:果日做優惠而已。我都好明白，檔主有權海鮮價，但山長水遠專程再嚟幫襯，無諗過會減價，但無喇喇，仲貴咗，個心好唔舒服，索性一個都唔買，懷著十分失望的心情離開工展會。對我來說，這樣的態度，這樣的可升可跌的價錢，幾好食都冇用，下次見到這店，都只會掉頭走。