影片
更多
2020-12-02
131 浏览
旺角一帶要搵野食唔難，但要食物，服務質素好又坐得舒服嘅就唔容易，呢間緣味小聚就值得推薦。Book左8點，去到就即刻可以入坐，鋪面唔大，約10枱左右，全部都坐滿哂，想食記得訂枱先較好。一坐低就有店員過嚟講解餐牌，我哋揀左$268嘅鮑魚餐，同加埋$20任飲。呢個時段兩個人仲有8折添。係溝緊醬料嘅同時，首先黎左個燉湯先，好多料，燉左6個鐘，啲精華出哂黎。然後就到重點海鮮，全部都有光澤，好新鮮。店員會幫手放埋落蒸鍋，亦會講解下蒸嘅次序同時間，然後用timer計時。大概四分鐘左右就可以食，鮑魚爽口鮮甜，帶子肉質細嫩（其實應該係扇貝），蜆類蒸完都會開晒口，好新鮮，同埋食落都無沙。食咗一半左右會上埋八寶飯，飯入面嘅材料係自己選擇，店員都會幫手撈埋，飯煙韌，有好多唔同嘅材料係入面，口感複雜有層次。食完海鮮就開始任食嘅部份，大部份都叫左黎試，最緊要就梗係手切牛頸脊，睇落雖然冇咩脂肪，但血色幾好，食落都好有牛味。蒸牛真係第一次，感覺似打邊爐，但無左湯底，牛嘅鮮味更突出。另外佢亦有好多款嘅糕點係任叫，全部都好高質，馬拉糕好鬆軟，好香蛋味，黑糖糕同埋紅棗糕都好煙韌，材料味道好明顯，非常推介。最後食埋又係未食過
Book左8點，去到就即刻可以入坐，鋪面唔大，約10枱左右，全部都坐滿哂，想食記得訂枱先較好。
一坐低就有店員過嚟講解餐牌，我哋揀左$268嘅鮑魚餐，同加埋$20任飲。呢個時段兩個人仲有8折添。
係溝緊醬料嘅同時，首先黎左個燉湯先，好多料，燉左6個鐘，啲精華出哂黎。
然後就到重點海鮮，全部都有光澤，好新鮮。店員會幫手放埋落蒸鍋，亦會講解下蒸嘅次序同時間，然後用timer計時。
大概四分鐘左右就可以食，鮑魚爽口鮮甜，帶子肉質細嫩（其實應該係扇貝），蜆類蒸完都會開晒口，好新鮮，同埋食落都無沙。
食咗一半左右會上埋八寶飯，飯入面嘅材料係自己選擇，店員都會幫手撈埋，飯煙韌，有好多唔同嘅材料係入面，口感複雜有層次。
食完海鮮就開始任食嘅部份，大部份都叫左黎試，最緊要就梗係手切牛頸脊，睇落雖然冇咩脂肪，但血色幾好，食落都好有牛味。蒸牛真係第一次，感覺似打邊爐，但無左湯底，牛嘅鮮味更突出。
另外佢亦有好多款嘅糕點係任叫，全部都好高質，馬拉糕好鬆軟，好香蛋味，黑糖糕同埋紅棗糕都好煙韌，材料味道好明顯，非常推介。
最後食埋又係未食過嘅冰粉，感覺好似落少咗好多魚膠粉嘅桂花糕咁，好滑溜，亦唔會太甜，放喺最後食，今餐飯更圓滿。
無論食物嘅質素，員工嘅服務態度，同埋環境都好舒適，特別係服務方面好細緻，全程店員都會幫你搞掂哂，一得閒就會四圍望下邊台客需要幫手，正宗懶人餐。鍾意食海鮮嘅要去試吓。
张贴
