丼瀛 (已結業)

放咗工喺朋友介的紹下就去咗觀塘【丼灜】食日本嘢，見到佢哋有個招牌菜叫十二風味，有十二種唔同嘅壽司味道，咁就order咗。另外再叫咗照燒金菇肥牛卷同埋唐揚雞翼。照燒金菇肥牛卷好入味，照燒汁好正，牛肉亦都好冧。唐揚雞翼外脆內軟，而且內裏用日本醃料調味所以炸出嚟零舍惹味。十二風味就絕對係打卡之選，擺盤好靚，12種味道分別係海膽、赤貝、吞拿魚腩蓉、磯煮鮑魚、三文魚腩、蟹肉蟹膏、 wasabi魷魚 鮮赤蝦、帶子、墨魚、左口魚邊、鯛魚腩。其實12個味道都超級新鮮，絕對一試難忘，而且上面嘅食材質量 高之餘又份量多，鮑魚原隻上，海膽三大片，jumbo帶子又原隻上， 真係好似去咗日本魚市場食咁新鮮。