渝味曉宇重慶老火鍋 (QRE Plaza) (已結業) 查看

40度都阻唔到香港人喜爱打边炉既，况且麻辣火锅越辣越过瘾，我最爱既渝味晓宇重庆老火锅就热一热都要去，今眉去左湾仔QRE PLAZA店，地点方便又容易揾。而家点餐只需扫一扫QR Code便可以喇，好环保，我地2人都唔系食得好多野，就叫左美国安格斯优质肥牛、手打虾滑、韮菜猪肉饺、莴笋条、珊瑚蚌、现炸豆皮、今期仲有本月推介~鲜活海蛏，我地都唔执输叫左半份。呢度有样好，唔使下下叫大大碟，有半份叫，可以试多几款美食。2个人有倾有讲咁都唔错，呢度唔算迫，极度有空间感，设计有别于其他火锅店，而且抽气好好，如果觉得食完有浸味，门口仲有衣物除味剂比大家用，仲有酒精纸提供，真系食得安心又放心。