十三姨 (通菜街)

营业中

休息中

喺旺角行行下街，唔打唔撞黎左呢間麵店食晚餐。之前有聽講過話呢間d麵嘅湯底好好飲，所以我同朋友諗都無諗就叫左兩湯麵。枱上面放左唔同嘅醬汁，用來提味。除左店員會講解點樣調味，枱面都有指示，唔怕會唔明。當日做緊推廣，點麵食嘅食客如果like左十三姨嘅Facebook 或follow左instagram送多半隻溫泉蛋。炙燒手燒雞絲湯粉絲雞嘅份量幾多，粉絲都爽口彈牙，溫泉蛋熟度剛好，但湯底偏淡，落左旁邊d醬汁都無咩大幫助。炙燒雞叉燒湯米粉睇個樣已經勁油，份量偏少，而且湯底都係無味。***總括黎講，店員很有禮貌，環境都乾淨，但枱較矮，進食嗰時要彎起條腰就高度。各方面都尚有進步空間！