影片
更多
2017-08-25
364 浏览
放工去旺角，想啤啤佢🙈一個星期一次都唔係好肥姐見呢間好生面口就入去試下，點知俾我執到寶呢間嘢好似主打craft beer，酒精濃度唔高，女仔嚟都唔怕醉！好多都係外國貨，仲有成20款揀，一時間唔知飲咩好有啲肚餓，又唔想空肚飲太勁嘅酒，所以試咗一號original cider因為係craft嘅原故，所以同普通街度買到嘅apple cider好唔同，味道好清帶微微香甜，唔會係加咗代糖個種死甜好襟飲，飲完又唔會涸喉，真心幾推介飲完都有啲餓，叫咗份main course，為咗想同cider夾啲，揀咗同樣都有青蘋果嘅 slow cook+ grain fed嘅豬扒賣相唔太討好，不過都知道slow cook唔會係上面整色整水，因為要食到原汁原味睇落啲肉雖然好「鞋」，似白烚雞胸肉，但係食落竟然好軟身，係偏冧嘅口感！！配埋青蘋果蓉真係好夾，另外啲沙律菜都有落橄欖油調味，所以有少少鹹味，中和返肉嘅甜見佢嘢食質素咁高，我哋叫多咗兩樣嘢分別係炸午餐肉同雞翼佢哋價錢以佐酒小食嚟講比較親民，而且份量一啲都唔吝嗇，碟嘅大小同啱啱main course差唔多先講午餐肉，炸得好香口，外層嘅粉薄得嚟又脆，陪埋蛋黃醬食真係
見呢間好生面口就入去試下，點知俾我執到寶
呢間嘢好似主打craft beer，酒精濃度唔高，女仔嚟都唔怕醉！
好多都係外國貨，仲有成20款揀，一時間唔知飲咩好
有啲肚餓，又唔想空肚飲太勁嘅酒，所以試咗一號original cider
因為係craft嘅原故，所以同普通街度買到嘅apple cider好唔同，味道好清帶微微香甜，
唔會係加咗代糖個種死甜
好襟飲，飲完又唔會涸喉，真心幾推介
飲完都有啲餓，叫咗份main course，為咗想同cider夾啲，揀咗同樣都有青蘋果嘅
slow cook+ grain fed嘅豬扒
賣相唔太討好，不過都知道slow cook唔會係上面整色整水，因為要食到原汁原味
睇落啲肉雖然好「鞋」，似白烚雞胸肉，但係食落竟然好軟身，係偏冧嘅口感！！
配埋青蘋果蓉真係好夾，另外啲沙律菜都有落橄欖油調味，所以有少少鹹味，中和返肉嘅甜
見佢嘢食質素咁高，我哋叫多咗兩樣嘢
分別係炸午餐肉同雞翼
佢哋價錢以佐酒小食嚟講比較親民，而且份量一啲都唔吝嗇，碟嘅大小同啱啱main course差唔多
先講午餐肉，炸得好香口，外層嘅粉薄得嚟又脆，陪埋蛋黃醬食真係好好味
而且佢呢種炸嘅方法可以鎖住啲肉汁同溫度
就算我哋一路飲酒吹水，呢粉午餐肉食到最尾都仲係熱嘅
雞翼方面做得俾我哋想像中好！首先落少少檸檬汁釣返啲味
咬落去啲熱辣辣嘅肉汁同油必出嚟(食嘅時候要小心
加上佢嘅雞翼件件都咁大隻，入面嘅肉好雪白，一啲雪藏味都冇
好食過老麥啲雞翼多多聲
食到咁上下都係時候叫多啲酒
揀咗罐裝peckham's嘅黑加侖子 cider
呢隻真係勁好飲，事關我好鐘意fruity嘅酒，佢嘅程度簡直好飲到好似加咗利賓納咁
因為係blackcurrant所以陣味有少少似紅酒，有啲啲丹寧嘅感覺，但係勝在唔澀
好順喉，甚至唔係好覺飲緊酒，啱女仔飲
順帶一提：食呢餐飯見好多人自己嚟飲一兩杯，應該係呢度裝修風格好有新鮮感
同埋因為好似新餐廳，所以所有嘢都好乾淨，包括toilet!啱哂同愛整潔嘅女仔朋友嚟
以後去飲酒唔使一定出尖沙咀嚕
张贴
