礦場熱狗店

营业中

休息中

有喺加拿大遠渡而香港玩嘅朋友，咁梗係要帶佢去海洋公園玩吓啦！但眾所周知，海洋公園門口有人會check袋唔比人自己帶野食入去...但入得去就一定會玩全日，入面d野食又貴過出面，連M記都會貴成倍我建議大家唔好入海洋公園入面嘅餐廳食野，因為真係好貴同份量唔多！我每次要喺海洋公園醫肚都一定係食呢間「礦場熱狗店」！因為越礦飛車係必玩嘅機動遊戲，所以喺呢到食都好方便呢度嘅熱狗只係賣五十幾蚊，但真係勁大條同勁好食！佢有4款汁揀，我今次就揀咗墨西哥辣醬，好彩唔係好辣～估唔到嘅係條腸入面係有芝士架！食到一半爆出嚟真係好正礦場熱狗店絕對係Ocean park入面醫肚嘅好選擇！一個夠頂肚到出園先再搵野食～