天仁茗茶 (已結業)

今日夜晚黎到德福廣場食Dinner，食完之後，突然諗起最近天仁茗茶同匯豐信用卡合作，由7月6號至7月12號，全線茶類同雪糕都有買一送一優惠，因為優惠就快到期，即刻上網查下德福有無天仁茗茶分店，好彩原來二期4樓PIAGO入面有分店，就即刻去睇睇。來到之後，發現都有好多人排隊，但唔似頭幾日咁人頭湧湧，聽講頭幾日最少要排45分鐘先拎到杯茶。確定有優惠買一送一之後，即刻去排隊。由於買一送一，規定兩杯款式要一模一樣，最後我同朋友簡左冰黑鑽鮮奶茶。落完單後，等左約20-25分鐘，終於拎到兩杯冰黑鑽鮮奶茶，呢杯我都係第一次飲，原來入面係有鮮草果凍，但茶味一般般，如果俾我簡多次，我會飲珍珠鮮奶綠