影片
更多
2022-05-05
922 浏览
假期去咗呢間酒店staycation，package包咗呢個西式套餐，原價一位要$468，仲要另收加一，真係都幾高級幾貴㗎，重點係可以望住個海景食飯！Lunch set $468一位，包頭盤，餐包，餐湯，主菜，甜品，飲品，另收加一。🥖餐包 (7/10)餐包有翻熱過，有三種麵包，法包，兩個圓形麵包，其中一個係有燕麥喺裏面，都外脆內軟，唔錯的。配左三個醬，分別係橄欖油，牛油，香草醬，橄欖油都幾香，牛油正正常常，香草醬係幾好食，好濃烈嘅香草味道，口感豐富啲，鹹香！原來麵包已經算幾好食！🍴餐湯 (7/10)餐湯係忌廉蘑菇湯配芝士法包，芝士法包嘅芝士好硬好乾，放得太耐啦，芝士味好鹹香，不過整體個法包都好硬又凍曬，口感上都差啲。忌廉蘑菇湯上面放咗兩種油，唔係好明點解要放兩種，可能想口感豐富啲？但令到個湯飲落都好油膩，本身個湯嘅蘑菇都幾香濃，蘑菇好碎，忌廉味唔重，呢一點有少少扣分🤣🍴慢煮豬腩肉配青豆蓉及法國芥末籽汁 (5/10)豬腩肉係冇乜味道，亦都冇油香，上面嘅脆皮都唔脆，肉質軟爛，似用咗好多個鐘頭去煮嘅肉(煲完湯冇味嗰種)，青豆蓉同埋芥末汁都提升唔到個味道，冇乜肉味冇咩味道，都幾失望🥹🍴 廚師推
Lunch set $468一位，包頭盤，餐包，餐湯，主菜，甜品，飲品，另收加一。
🥖餐包 (7/10)
餐包有翻熱過，有三種麵包，法包，兩個圓形麵包，其中一個係有燕麥喺裏面，都外脆內軟，唔錯的。配左三個醬，分別係橄欖油，牛油，香草醬，橄欖油都幾香，牛油正正常常，香草醬係幾好食，好濃烈嘅香草味道，口感豐富啲，鹹香！
原來麵包已經算幾好食！
🍴餐湯 (7/10)
餐湯係忌廉蘑菇湯配芝士法包，芝士法包嘅芝士好硬好乾，放得太耐啦，芝士味好鹹香，不過整體個法包都好硬又凍曬，口感上都差啲。忌廉蘑菇湯上面放咗兩種油，唔係好明點解要放兩種，可能想口感豐富啲？但令到個湯飲落都好油膩，
本身個湯嘅蘑菇都幾香濃，蘑菇好碎，忌廉味唔重，呢一點有少少扣分🤣
🍴慢煮豬腩肉配青豆蓉及法國芥末籽汁 (5/10)
豬腩肉係冇乜味道，亦都冇油香，上面嘅脆皮都唔脆，肉質軟爛，似用咗好多個鐘頭去煮嘅肉(煲完湯冇味嗰種)，青豆蓉同埋芥末汁都提升唔到個味道，冇乜肉味冇咩味道，都幾失望🥹
🍴 廚師推薦沙律 吞拿魚他他 (0/10)
真係食咗一啖就食唔到，吞拿魚勁唔新鮮，似放咗勁耐，超級腥🤢撈埋啲酸汁同埋牛油果醬真係更加腥臭🫠不了，放唔到入口。
🍴 紅酒燴美國牛面煩肉配薯蓉及烤蒜 (7.5/10)
呢個算係最好食嘅一碟，牛面頰肉好細舊，兩啖就冇咗，份量真係比較少。牛面頰肉好軟淋，帶有少少嘅紅酒鹹香味，面頰肉有軟筯，好似食緊牛展咁，薯蓉好香奶油味打得好細滑，整體來講都幾唔錯！
🍴蟹肉意式蛋麵配松子仁 (6/10)
成個面剩係得幾粒松子，蟹肉同埋麵，蕃茄係配菜，第一啖已經食過蟹殻，真點「新鮮」😂蛋麵好輕盈，好易咬斷，冇咩口感，亦冇咩蛋味，蟹肉比較鹹香，但都冇咩鮮味，加埋啲蕃茄嘅酸味，成個面真係普通到冇得再普通，稱唔上好食🫠
🍴復活節甘筍蛋糕配奶油芝士 (2/10)
個蛋糕奇怪到極點，明白復活節想搞搞新意思，但個蛋糕真係食一啖唔想再食落去…….真係早知要雪糕冇咁嬲！蛋糕口感濕潤得嚟鬆散，好似食緊蛋糕碎咁，一粒粒好粗糙，食唔到甘筍嘅味道，奶油芝士味好淡，嗰兩條小嘅紅蘿蔔麵粉係甜甜地冇咩特別🥲真心整個蛋糕難食到不得了。
🍴咖啡 (3/10)
咖啡質素都係好差，飲第一啖會feel到好強烈好濃咖啡味好香，但個後勁都好強，超級苦，個口Feel到一浸酸味，飲完之後喉嚨會有少少乾涸唔舒服。飲咗一啖再冇飲過🥲
推薦指數: 4/10
影相打卡望海景就OK，食物質素真係好差，難食過出面求其一間西餐廳，四百幾蚊一個人去食真係會想喊，用$400食放題或者其他自助餐會開心啲。PS: 3分係俾個景🥺
张贴
