依間係北角站B4出口行幾鐘分就到。鋪頭細細,座位唔算太多,我大約1515到,都要等兩張枱,同埋多數都要搭枱。掃QR落單,整好之後,要自己出去櫃枱攞。搭枱又坐得太入既話,出入都幾唔方便。
第一次黎,款款都好吸引。最後揀左蜂蜜豆腐2.0試下,另外叫左隻銅鑼燒。
由於都幾多人,我地都等左15分鐘左右先有野食。
好大一碗刨冰!!蜂蜜糖漿可以好似我咁淋哂上去,又可以一邊食再一邊加,豆腐味淡淡地,配合蜂蜜既甜蜜味剛好。而刨冰本身又刨得夠細,綿密順滑,搭配灑係上面既黃豆粉,唔會太甜又冰涼。
至於銅鑼燒就比想中細隻好多。不過抹茶+紅豆泥本身就係一個難輸既組合,餅皮都幾香軟,幾好味。
整體黎講,天氣熱熱地食刨冰絕對係不二之選。依間刨冰既質量好,我同細佬兩個人食,食到最後只係剩返好少冰水。下次可以試下其他味道,只係座位比較迫係硬傷,其他無乜問題。
蜂蜜豆腐2.0 $118
紅豆抹茶銅鑼燒 $28
