金樂軒雞煲魚鍋

营业中

休息中

陪阿媽去咗北角探親戚，阿媽諗住搵埋阿姨食飯嘅，點知原來阿姨約咗朋友。佢地兩個好搞笑，成日都有烏龍事情。喺阿姨屋企走嘅時候都已經係晚飯時間，阿媽話食埋飯先返屋企。落咗街周圍望，睇下有咩食，見到有茶記同埋有潮州菜，行去地鐵站方向有間食小菜餐廳。阿媽話食呢間，咁我地就入咗去啦。入面地方唔算好大，不過有卡位坐，唔使搭枱都算係舒適。餐牌有好多選擇，有得食雞煲、打邊爐，不過我地2個人，食唔到咁多，所以都係點咗小菜。椒鹽生蠔，生蠔好大隻，炸到好香口，脆卜卜好好食。紅燒豆腐，清清地，正常風味。鹹肉炒福花，幾好鑊氣，份量足。下次拉埋阿姨去食，試下個雞煲。