影片
更多
2020-05-12
852 浏览
早前同朋友去影怪獸大廈，回程就去咗連續5年上榜《米芝蓮》街頭小食推介嘅「麥記美食」，歎美味晚餐～呢度開咗19年，由「推車仔」變地舖，係北角廣為人知嘅街坊老店。麥記主打上海小吃，所有點心都係自家製作，老闆仲會人手揉麵糰，誠意滿分！ 店舖好細，大部分人都係外賣買走。 店主話佢哋已經係第5年比《米芝蓮》推介，不過前2年嘅貼紙甩咗，所以無貼在玻璃窗外。 自家製鍋貼，熱辣辣在煎鑊上。其中，佢哋嘅招牌生煎包，外皮就以「老麵」天然發酵而成，且唔添加化學物，雖然好花功夫，但出嚟嘅生煎包外皮更鬆軟、包底酥脆，更有「麵香」。至於鍋貼，佢哋就好堅持「生煎」，唔會好似好多食店咁，為便捷時蒸過再煎，整體感覺較香脆，味道新鮮得多。😍 第一下見到麥記嘅鍋貼，坦白講我覺個樣唔多討好，好似皮好厚，而且好細隻咁，點知，食落真係好驚喜！鍋貼外皮偏厚，然而非常酥脆，麵味好出！以往食鍋貼，好多時餡先係主角，但呢度比我感覺係，外皮猶勝肉餡！咁當然，鍋貼肉餡都非常juicy，豬肉香滑多汁，好正！🥟 另外，小籠包亦非常高質，即叫即蒸，約等10分鐘就上枱。佢哋用傳統小鐵籠去蒸小籠包，熱力更強！一咬入口，滿滿漑
早前同朋友去影怪獸大廈，回程就去咗連續5年上榜《米芝蓮》街頭小食推介嘅「麥記美食」，歎美味晚餐～呢度開咗19年，由「推車仔」變地舖，係北角廣為人知嘅街坊老店。麥記主打上海小吃，所有點心都係自家製作，老闆仲會人手揉麵糰，誠意滿分！
店舖好細，大部分人都係外賣買走。
店主話佢哋已經係第5年比《米芝蓮》推介，不過前2年嘅貼紙甩咗，所以無貼在玻璃窗外。
自家製鍋貼，熱辣辣在煎鑊上。其中，佢哋嘅招牌生煎包，外皮就以「老麵」天然發酵而成，且唔添加化學物，雖然好花功夫，但出嚟嘅生煎包外皮更鬆軟、包底酥脆，更有「麵香」。至於鍋貼，佢哋就好堅持「生煎」，唔會好似好多食店咁，為便捷時蒸過再煎，整體感覺較香脆，味道新鮮得多。😍
生煎鍋貼（3隻）
$10
28 浏览
0 赞好
0 留言
第一下見到麥記嘅鍋貼，坦白講我覺個樣唔多討好，好似皮好厚，而且好細隻咁，點知，食落真係好驚喜！鍋貼外皮偏厚，然而非常酥脆，麵味好出！以往食鍋貼，好多時餡先係主角，但呢度比我感覺係，外皮猶勝肉餡！咁當然，鍋貼肉餡都非常juicy，豬肉香滑多汁，好正！🥟
小籠包（4隻）
$24
41 浏览
0 赞好
0 留言
另外，小籠包亦非常高質，即叫即蒸，約等10分鐘就上枱。佢哋用傳統小鐵籠去蒸小籠包，熱力更強！一咬入口，滿滿漑湯汁就係口中爆開，果下幸福感真係難以形容。😍
雲吞麵
$25
36 浏览
1 赞好
0 留言
無鮮蝦，只有豬肉，但雲吞仍爽口鮮甜，而且外皮爽爽地，太正了！ 至於雲吞麵亦無比驚喜！佢唔似香港常食到嘅雲吞咁，一半豬一半蝦，內餡全是豬肉，鮮甜美味！而外皮都較平常係街食到嘅爽口，好高質！不過，呢度嘅麵底就一般般，正常上海麵，無令我驚艷嘅感覺。
所有食物都係廿零蚊起，真係太良心了。
又好食，仲要係黃店，無得輸！
张贴
