小城鎮 (已結業)

探開住北角既朋友，都有一段時間冇黎哩區，今次試左間喺佢屋企附近既餐廳，幾唔錯。蕃茄手工肉丸 $48哩款小食好好味，個汁係亮點，肉丸好入味，食晒都要撈埋汁先捨得收走個碟，哈！白酒忌廉燴青口 $78青口新新鮮，大大隻煮得幾嫩，白酒味唔算好突出，忌廉汁同青口好夾，出色。升級加$38有埋餐湯/沙律，奶凍甜品同餐飲。焗葡汁雞扒飯 $68賣相好吸引！滿滿既汁係焗飯首要條件，面頭仲有芝士，好正。雞扒煎到脆邊，好香，葡汁椰香味都正，價錢仲要唔貴，抵食！香辣蕃茄海鮮扁意粉 $78哩碟都幾辣，但但左蕃茄果種酸辣令人開胃，扁意粉彈牙掛汁，有唔少大蝦同墨魚，份量都幾大碟。跟餐加$30叫左熱水果茶，賣相靚，見到多款新鮮生果，正呀，係甜甜的水果紅茶，好飲！甜品係兩款口味既奶凍，好滑身，食埋甜品就完滿完成今餐。餐牌上既食物選擇好多，下次可以再黎試其他。