影片
更多
2022-05-18
183 浏览
去到北角呢間Cafe真係好靚，見到佢哋係用落地玻璃同埋主要係用白色格調。幸運嘅話坐到窗邊係落地玻璃陽光好好，好chill 啊！午市套餐有$98至$268不等，包一份沙律或者水果茶，需要另收加一！🍴沙律 跟餐送 (6/10)沙律菜都算新鮮，有一粒蕃茄仔，個汁酸酸地幾開胃，正正常常~🍴韓式辣泡菜大蝦意粉 $118 (6/10) 另收加一呢個泡菜大蝦意粉好有創意，蝦仁得六至七粒，唔算好多，反而意粉嘅份量比較足。食落去比較重茄汁味？帶有微酸辣同埋酸，應該都加咗泡菜嘅因素，除咗有少少辣同埋泡菜，其實就係蕃茄意粉咁嘅味道，欣賞佢有用新鮮蕃茄，但唔係特別好食，亦都唔係好高性價比🤣🍴龍蝦汁軟殼蟹意大利飯 $138 (7/10) 另收加一飯嘅份量都充足，有一隻完整嘅軟殼蟹，軟殼蟹好香脆，炸得比較乾身，意大利飯有輕微龍蝦汁味道，一啲都唔鹹，意大利飯偏硬，食到飯粒嘅口感，略嫌龍蝦汁味道未夠香濃。🍴慢煮西班牙有機黑毛豬扒配薯蓉 $138 (7.5/10) 另收加一黑毛豬煎得啱啱好，有豬肉嘅味道，肉質彈牙，亦都唔會煎得太乾身，有油香，但食得出唔係好貴嘅豬扒XD薯蓉有牛油嘅味，食得出係新鮮薯仔有薯仔味，打得比較粗
午市套餐有$98至$268不等，包一份沙律或者水果茶，需要另收加一！
🍴沙律 跟餐送 (6/10)
沙律菜都算新鮮，有一粒蕃茄仔，個汁酸酸地幾開胃，正正常常~
🍴韓式辣泡菜大蝦意粉 $118 (6/10) 另收加一
呢個泡菜大蝦意粉好有創意，蝦仁得六至七粒，唔算好多，反而意粉嘅份量比較足。食落去比較重茄汁味？帶有微酸辣同埋酸，應該都加咗泡菜嘅因素，除咗有少少辣同埋泡菜，其實就係蕃茄意粉咁嘅味道，欣賞佢有用新鮮蕃茄，但唔係特別好食，亦都唔係好高性價比🤣
🍴龍蝦汁軟殼蟹意大利飯 $138 (7/10) 另收加一
飯嘅份量都充足，有一隻完整嘅軟殼蟹，軟殼蟹好香脆，炸得比較乾身，意大利飯有輕微龍蝦汁味道，一啲都唔鹹，意大利飯偏硬，食到飯粒嘅口感，略嫌龍蝦汁味道未夠香濃。
🍴慢煮西班牙有機黑毛豬扒配薯蓉 $138 (7.5/10) 另收加一
黑毛豬煎得啱啱好，有豬肉嘅味道，肉質彈牙，亦都唔會煎得太乾身，有油香，但食得出唔係好貴嘅豬扒XD薯蓉有牛油嘅味，食得出係新鮮薯仔有薯仔味，打得比較粗身，食到有薯粒，食落有口感！呢個價錢OK的！
🍴避風塘比目魚配薯蓉 $158 (7.5/10) 另收加一
魚肉皮脆肉嫩，算比較好食，雖然冇乜魚味，係食過滑身口感，唔係太食得出有避風塘嘅味道，見到上面有啲避風塘嘅碎，但勝在滑身好易入口！薯蓉同黑毛豬嘅一樣~
推薦指數: 7/10
坐得舒服，食物都OK的，平日中午價錢略嫌稍貴，經過諗唔到食咩都可以試吓，唔會中伏，但亦都唔會有驚喜~感覺最平嘅意粉就抵食啲，如果好食就肉類比較好食！
张贴
